ФОТО | Принцот Џорџ го прослави 10. роденден: Сите велат дека е копија на прицот Вилијам
Принцот Џорџ вчера беше во центарот на вниманието во Велика Британија. Било весело во палатата Кенсингтон, резиденцијата на кралското семејство, додека најстариот син на принцот Вилијам и Кејт Мидлтон го славел својот јубилеен 10-ти роденден. По овој повод традиционално беше објавен и нов портрет од принцот Џорџ.
Во лежерно издание, карирана кошула и зелени панталони, насмеан и опуштен, малиот принц, кој е втор во редот за престолонаследник, е неодолив, а исто толку неодоливо потсетува на својот татко. Не само со ликот, туку и со стајлингот.
Често се појавува во кафеави чевли слични на оние кои обично ги носи принцот Вилијам.
Момчето изгледало и многу самоуверено додека позирало пред фотографката Мили Пилкингтон во Виндзор на почетокот на овој месец.
Џорџ обично е срамежлив пред камерите, но веќе е свесен дека еден ден го чека важна улога, односно британскиот трон. Неговите родители полека го воведуваат во кралскиот и јавниот живот, а според се што покажа досега, одлично се снаоѓа.
Не покажува нетрпение кога ќе се најде на некој настан на кој сите погледи се вперени во него, во што се уверивме и минатата недела, кога тој и неговата сестра Шарлот храбро издржаа речиси пет часа на трибините, бидејќи финалниот натпревар на Вилмблдон се одолжи.
Иако е на распуст, Џорџ деновиве им прави друштво на родителите на различни настани во Лондон.
Инаку, малиот принц особено е заинтересиран за спорт – го претставува своето училиште на натпревари во крикет, сака да едри, а велат дека е одличен пливач.
Крунисувањето на Чарлс Трети го следеле околу 14 милиони гледачи на Би-Би-Си
Принцот Џорџ и принцезата Шарлот вчера скршија многу срца, ова беше нивната прва и најважна улога