ФОТО | Прекрасна трудница: Српската актерка блесна на црвениот тепих на Оскарите
Свечената церемонија на доделувањето на филмските награди Оскари е и своевиден моден спектакл, настан којшто го гледаат милиони луѓе ширум светот. Еден од најубавите изгледи на годинашното издание беше она на српската актерка и манекенка Нина Сеничар (38), која продефилира на црвениот тепих во друштво на нејзиниот сопруг Џеј Елис (42).
Таа се појави во тесен црн и плишан фустан со потпис на грузиската модна куќа „Мач & Мач“, кој совршено ѝ го истакна трудничкиот стомак, со чевли од италијанскиот луксузен бренд „Џанвито Роси“ и накит од американскиот бренд „Дејвид Јурман“. Целиот изглед го заокружи со црна чанта со сребрени детали.
Што се однесува до косата, за која се погрижи познатиот стилист Крис Мартин, таа се одлучи за благо навиткана коса, а шминката ѝ беше дискретна и само ѝ ја истакна убавината. За тоа се погрижи шминкерката Мина Абрамовиќ.
Нејзиниот сопруг, пак, се одлучи за малку покласична комбинација – црно сако, бела кошула и сиви панталони.
Да потсетиме, Сеничар и Елис се свршија на почетокот од 2019 година, за време на нивниот одмор на Бали, а решија да се венчаат во романтичната Италија.
Сеничар блесна во венчаница на модната куќа „Долче и Габана“, направена специјално за неа, а Елис избра елегантен бордо костум.