ФОТО | Марија Шерифовиќ стана мајка: Објави емотивна фотографија од синот
Српската пејачка Марија Шерифовиќ доби бебе преку сурогат-мајка. Детето на пејачката се родило на почетокот на декември, ексклузивно дознава „Блиц“.
Пејачката на својот инстаграм-профил ја објави и првата фотографија од својот син, кој ќе се вика Марио. Покрај фотографијата таа напиша и емотивна посвета која ги трогна нејзините следбеници, колеги и пријатели.
„Љубовта дојде. Небото го осветли најубавата ѕвезда во мојот живот. Се роди Марио. Нека те води животот по најубавите патишта синко, а јас ќе те штитам со мојата љубов од тага и од луѓето. Благодарам на секој што праќа љубов и нека биде тивко и топло сè што доаѓа од вас до него. Ве сакам сите М&М“, напиша пејачката.
Набрзо по објавата на Инстаграм, таа се огласи и во јавноста со кратка изјава за „Блиц“.
„Долго се подготвував за тој момент, безброј пати замислував во мојата глава како ќе изгледа… Ми кажаа и мајка ми и блиските пријатели, но тоа чувство е неописливо со зборови, нешто најпосебно… Ми изгледаше дека тие неколку минути првиот допир траеше прекратко или предолго… Едноставно толку многу емоции што го запираат секое друго чувство – вели поп ѕвездата во ексклузивна изјава за „Блиц“.
Како што пренесува српските медиуми момчето се родило на почетокот на декември со помош на сурогат-мајка, а гордата мајка го избра името Марио. Доаѓањето на детето, Марија го чувала во строга тајна, а за сè биле информирани само најблиските.
ВИДЕО | Хуманост на дело: Марија Шерифовиќ му помогна на бездомник, му плати кирија за цела година
Марија Шерифовиќ откри што добила од претседателот Тадиќ за победата на Евровизија