Американската пејачка Мадона (65) настапи во арената „Медисон сквер гарден“ во Њујорк, како дел од нејзината концертна турнеја „Celebration“.

Секогаш авангардната „кралица на поп музиката“ сподели неколку фотографии и видеа од овој концерт и ја пофали младата раперка Токиша (27), која ѝ се придружи на сцената. Но, еден момент особено го привлече вниманието на обожавателите.

Имено, Мадона сподели фотографија на која се бакнува со Токиша, која ја нарекуваат и „Мадона од Доминиканската Република“, пишува „Дејли мејл“. Страсниот бакнеж бил дел од провокативната кореографија.

Но, ова не е првпат Мадона и Токиша да бидат фатени како се бакнуваат. Пред две години, тие ги наполнија насловните страници на медиумите со нивната близина на сцената на „Прославата на гордоста“ во Њујорк. Уметниците се долгогодишни пријателки, а во 2022 година соработуваа на ремиксот на хитот на Мадона – „Hung Up“.

Иако имаше гласини за нивната наводна врска, Токиша стави крај на шпекулациите инсистирајќи дека нивните бакнежи не се сексуални, туку се направени за публицитет.

„Бакнувањето ни е како да разговараме. Тоа не е ништо сексуално, повеќе е како вибрација“, објасни раперката.

ВИДЕО | „Ова е многу непријатно“: Мадона повторно ги згрози луѓето со провокативен настап