Кенсингтонската палата објави фотографија од кралицата Елизабета Втора, која е направена пред нејзината смрт. А решија да ја објават денеска, на денот кога таа ќе наполнеше 97 години. Имено, фотографијата на жената која најдолго владеела со Велика Британија ја направила Кејт Мидлтон, принцезата од Велс во Балморал во август – неколку недели пред Британија и Комонвелтот да ја загубат својата кралица.

На фотографијата е прикажана Елизабета Втора, среќна во шкотските висорамнини коишто толку многу ги сакала, опкружена со внуците и правнуците – леди Луиз Маунтбатен-Виндзор, Џејмс, грофот од Весекс, Лена Тиндал, принцот Џорџ, принцезата Шарлот, Ајла Филипс, принцот Луис, Миа Тиндал, Лукас Тиндал и Савана Филипс.

Да потсетиме, на 8 септември кралицата почина во својот сакан дом во Абердиншир, што предизвика жалост во Велика Британија и ширум светот.

Фотографијата беше објавена денеска од Кенсингтонската палата по повод 97-от роденден на нејзиното покојно височество.

Кралицата Елизабета Втора во моментот на нејзината смрт имала осум внуци и 12 правнуци. Слична семејна фотографија беше објавена по смртта на нејзиниот сопруг, војводата од Единбург во 2021 година.

Кралското семејство претходно денеска се огласи на социјалните мрежи за да му оддаде почит на својот сакан матријарх, кој почина мирно по прославувањето на својот платинест јубилеј.

„Денеска се сеќаваме на нејзиниот неверојатен живот и наследство. Нејзиното Величество кралицата Елизабета Втора, на нејзиниот 97-ми роденден“, напишаа во описот на фотографијата.

Ниту еден цвет на ковчегот на кралицата не е случаен и открива многу за кралот Чарлс

ФОТО/ВИДЕО: Ковчегот на кралицата Елизабета пристигна во Лондон, по улиците го испратија илјадници луѓе