ФОТО: Кирил Лазаров меѓу ракометните легенди на Нант
Денеска пред натпреварот од најсилното француско ракометно првенство меѓу Нант и Шартр, по повод 70 роденден на клубот, домаќинот Нант најави дека ќе го промовира „ѕидот на легендите“.
А меѓу легендите е и поранешниот македонски репрезентативец Кирил Лазаров, сега селектор на сениорите.
Лазаров ги бранеше боите на француската екипа во периодот од 2017 до 2022 година. Со Нант успеа да стигне до финалето во Лигата на шампионите во сезоната 2017/2018, потоа освои трофеј во Лига купот, во Трофејот на шампионите, еднаш финалист во Купот на Франција, и двапата беше вицешампион на таа земја.
Седум икони клубот кои придонесоа клубот да расте и да блесне на највисоко ниво. Играчи кои ставија крај на професионалните ракометни кариери:
– Бруно Соуза (Бразил) 2009-2011
– Фредерик Дол (Франција) 2007-2013
– Алберто Ентрериос (Шпанија) 2012-2016
– Махмуд Гарби (Тунис) 2010-2017
– Доминик Клајн (Германија) 2016-2018
– Рок Фелихо (Франција) 2010-2021
– Кирил Лазаров (Македонија) 2017-2022