Најдобар начин за ширење на празничниот дух е украсување на вашиот дом, по примерот на Кендал Џенер. Вкусот на Кендал Џенер за внатрешен дизајн значително се разликува од останатите сестри од кланот Кардашијан-Џенер.

Кендал ги отвори вратите за „Пуш“ оваа година за да го покаже нејзиниот пријатен празничен декор.

„Темата е иста како и секоја година. Божиќна радост“, изјавила таа.

Кендал Џенер ги ангажирала познатите дизајнери на ентериер Валдо Фернандез и Кетлин и Томи Клементс да ѝ помогнат да го украси нејзиниот дом во Лос Анџелес. За разлика од нејзините познати сестри, манекенката претпочита поинакво уредување на ентериерот.

Имено, додека тие обожаваат раскош и малку кич, нејзината куќа е уредена многу потопло и поедноставно од она со кое се фалат нејзините сестри. Таа сега на обожавателите им покажа дел од својот дом, украсен во божиќна празнична атмосфера. Можете да видите дека во дневната соба доминираат неутрални земјени тонови, исто како едноставните божиќни украси што таа ги избра оваа година.

Земјените тонови се водечки тренд во внатрешната декорација во 2023 година, а експертите истакнуваат дека така ќе биде и во наредната 2024 година. Сметаат дека популарноста на овој тренд се должи на желбата на клиентите.