Вселенската агенција НАСА на својот твитер-профил задолжен за следење на Сонцето објави интересна фотографија од ѕвездата која се наоѓа во центарот на Сончевиот Систем.

Имено, тие објавија фотографија на која Сонцето делува како да се смее. Неговиот „насмеан“ лик е резултат на набљудувањето на Сонцето во улктравиолетова светлина и коронални дупки, односно региони со помала густина на плазма во горните слоеви на сончевата атмосфера, од кои во вселената излегуваат сончеви ветрови.

Фотографијата ја сликал сателитот „Solar Dynamics Observatory“, кој се наоѓа во земјината орбита и чии сензори се насочени кон Сонцето за да направат разни мерења на нашата ѕвезда и нејзината сончева активност.

Say cheese! 📸

Today, NASA’s Solar Dynamics Observatory caught the Sun “smiling.” Seen in ultraviolet light, these dark patches on the Sun are known as coronal holes and are regions where fast solar wind gushes out into space. pic.twitter.com/hVRXaN7Z31

— NASA Sun, Space & Scream 🎃 (@NASASun) October 26, 2022