Доколку мислите дека ви е премал домот и дека ви треба повеќе простор, погледнете ги фотографиите од уникатното место на Тибет, кое воедно е и најголемото будистичко училиште во светот.

Лоцирано во истоимената долина, во градот Сертар, Ларунг Гар е дом на илјадници луѓе. Овде населението поминува часови во медитација, шетајќи по падините со црвени колиби во кои се повлекуваат во тишина.

Будистичката академија е основана во раните 1980-ти години и истата имала само 32 членови во тоа време. Полека растела до 1997 година, кога станала неверојатно популарна.

Бидејќи Ларунг Гар се наоѓа на 4.000 метри надморска височина, често се нарекува и „градот на небото“ и „градот во облаците“.

 

View this post on Instagram

 

A post shared by Tomek Tomasz (@tomaszpienicki)

Пред две години населението достигна 40.000, што не им се допадна на кинеските власти, кои одлучија дека населението мора да се намали на 5.000. Дел од домовите беа урнати, а жителите мораа да потпишат дека никогаш нема да се вратат во Ларунг Гар.

Речиси четири илјади луѓе се иселиле и нашле нов дом. Бидејќи населението не разговара со странци, а движењето на туристи е ограничено, тешко е да се дојде до вистинската вистина за тоа што се случува во Ларунг Гар.