ФОТО | Ерупција во Индонезија: Проработи најактивниот вулкан, испушти река од лава долга 1.500 метри
Најактивниот вулкан во Индонезија, Мерапи, на островот Јава, денеска започна да испушта облаци од врела пареа и вжарена лава, кои се спуштија на 1.500 метри по падината.
– Тоа беше најдолгиот проток на лава на планината Мерапи откако властите го подигнаа нивото на опасност од овој активен вулкан во ноември, рече Ханик Хумаида, шеф на Центарот за вулканологија и геолошко ублажување.
Засега, нивото на тревога е на второто највисоко ниво, рече Хумаида, нагласувајќи дека населението треба да се држи настрана од постојната опасна зона од пет километри околу кратерот.
Mount Merapi spews volcanic materials in Yogyakarta, #Indonesia , as it continues to erupt on Tuesday. #volcano pic.twitter.com/6EYCUXmS3X |@chinadailyworld
— IG: Merapi Uncover (@merapi_uncover) January 27, 2021
Најактивниот индонезиски вулкан на планината Мерапи со надморска височина од 2.968 метри се наоѓа на густо населениот остров Јава и во близина на градот Јогјакарта, а неодамна еруптираше неколку пати со облаци од лава и гас.
За време на неговата последна голема ерупција во 2010 година, загинаа 347 лица, а 20.000 жители беа евакуирани.