Македонскиот пејач Дарко Илиевски, кој подолго време живее на Флорида, ја сподели убавата вест дека со сопругата Ивана го очекуваат нивното второ дете.

Имено, двојката веќе го има четиригодишниот син Матео, а сега ќе добијат ќерка, која треба да се роди во април следната година.

„Возбудливи вести! Пресреќни сме што можеме да споделиме дека наскоро очекуваме да пристигне нашето скапоцено девојче. Нашите срца се полни и едвај чекаме да ја пречекаме во нашите животи со љубов и радост“, напиша Илиевски на својот инстаграм-профил.

Да потсетиме, Дарко Илиевски и Ивана Келешовска (сега Илиевска) стапија во брак во 2016 година, а две години подоцна се преселија во Соединетите Американски Држави. Во 2019 година, станаа родители на синот Матео.

„8 октомври 2019 е најсреќниот ден во мојот живот! Мојата кралица ми роди син како најголем поклон за 3 години од нашиот брак. Фала ти сонце мое! Драги пријатели, се роди Матео“, напиша тогаш пејачот.

Инаку, сопругата на Илиевски е ќерка на Славе Келешовски, кој трипати беше избран за најдобар диџеј во Југославија.

Дарко Илиевски стана татко, се роди малиот Матео во Мајами (ФОТО)