Селото Мало Грабље во Хрватска вреди да се посети барем еднаш во животот.

Веднаш над заливот Милна на Хвар, во камена клисура е сместено селото Мало Грабље. Напуштената рурална населба се наоѓа североисточно од стрмните карпи на Мотокит, на падините кон стариот пат од градот Хвар до Вело Грабље, пишува „Пункуфер“.

Околните маслинови градини и лозја даваат идеја за тоа како изгледал некогаш животот во сега напуштеното село, пред жителите да го напуштат.

Напуштените камени куќи без врати и прозорци кои се претопуваат во природата, воденица која чека да биде откриена, штала и црква создаваат совршена филмска позадина.

Денес во Мало Грабље можете да видите само неколку јога ентузијасти кои доаѓаат да вежбаат пред црквата Св. Теодора или да застанете кај локалната таврерна Стори Комин, но само во сезона. Таму се јаде октопод и јагне на скара, по можност со локално вино.

Таму нема потреба да го гледате менито, туку само да се препуштите во рацете на домаќините, кои ќе ви препорачаат што да јадете.

Откако Њујорк Тајмс еднаш ја објави приказната за таверната Стори Комин, Американци и туристи од целиот свет доаѓаат да видат дали ова речиси заборавено место заслужува внимание.
Со оглед на бројот на пофалби на „Трипадвајзор“ (TripAdvisor), авантурата да се стигне до местото и тоа како е исплатлива.

Мало Грабље повремено оживува за концерти или настани, токму на платото пред црквата, која отсекогаш била место за локални средби. Од таму има поглед на селото и околните ридови, градини опкружени со суви камени ѕидови.

Името на местото првпат било запишано во 1538 година, а евидентирано на австрискиот катастар во 1934 година. Поради својата изолирана локација, ја задржало првобитната просторна организација од 19 век, па прошетката низ грубите камени блокови кои ги сочинуваат уличките е како временска машина во минатото.