Според американските медиуми, Бритни Спирс е во врска со член на нејзиниот персонал, Пол Ричард Солис, кој има криминално минато.

Тие двајца наводно почнале да се забавуваат откако пејачката објавила дека поднела барање за развод од Сем Асгари, пренесува „Пејџ сикс“ (Page Six).

Имено, локалните медиуми објавија дека Пол еднаш бил прогласен за виновен за нарушување на мирот, возење без дозвола и поседување огнено оружје, поради што Бритни во еден момент го отпуштила.

Бритни и Пол сѐ уште јавно не објавиле дека се во врска. Минатиот месец во неколку наврати биле видени заедно.

Поранешниот сопруг на Бритни, Сем Асгари неодамна им откри на медиумите дека постои компромитирачка снимка на која пејачката го изневерува со вработен, а тој ѝ се заканил дека ќе открие повеќе непријатни детали доколку не му даде повеќе пари од предвидената сум во предбрачниот договор.