Мик Шумахер, синот на легендарниот Михаел Шумахер, во Формула 1 дојде во 2021 година како голема надеж која ќе го наследи татко си. Но во неговиот тим Хаас засега не се задоволни од него. Се зборува дека неговиот тим нема да го задржи по крајот на сезонава, кога му истекува договорот, незадоволен од неговите досегашни резултати.

На 29 трки во Формула 1 младиот Шумахер (23) досега нема освоено ниеден бод. Покрај тоа, поради повеќето несреќи во кои беше вмешан, Шумахер го чинеше Хаас над два милиони долари во штети, откако пристигна во тимот во 2021 година. Сезонава тој претрпе два големи нициденти, првиот на трката во Саудиска Арабија, а вториот на трката во Монте Карло. На последната трка за среќа Мик не се повреди, но по сударот со бариерата од неговиот болид не остана речиси ништо.

Мик бил критикуван од газдата на тимот Гинтер Штајнер по трката, а поранешнот Ф1-возач Кристијан Данер предупреди дека неговиот сонародник треба да се подобри.

– Добар е што се однесува до брзината, но е може да продолжи вака што се однесува до инцидентите. Прави милионски штети, а тим како Хаас може тие пари да ги употреби попаметно – вели Данер.

Младиот Шумахер, кој беше шампион во Фрмула 2 во 2020 година, се надева дека ќе ја пронајде вистинската форма до крајот на сезонава.