Фон дер Лајен: Мора да го зајакнеме партнерството со НАТО, безбедноста на Европа е загрозена
По денешното потпишување на заедничката декларација со Европската унија, НАТО вети дека ќе ја зголеми поддршката за Украина. Генералниот секретар на НАТО Јенс Столтенберг изјави дека стратешкото партнерство меѓу ЕУ и НАТО е „поважно сега од кога било“, пишува Си-Ен-Ен.
„Мораме да продолжиме да го зајакнуваме партнерството меѓу НАТО и Европската унија и мора дополнително да ја зајакнеме нашата поддршка за Украина“, рече Столтенберг во Брисел по потпишувањето на третата заедничка декларација ЕУ-НАТО со претседателката на Европската комисија Урсула фон дер Лајен и претседателотн а Европскиот совет Шарл Мишел.
„Знаеме дека мораме да го зајакнеме ова повеќе од 20-годишно партнерство, бидејќи безбедноста на Европа е загрозена. Партнерството ЕУ-НАТО ќе стане уште поважно кога Финска и Шведска ќе станат полноправни членки на НАТО“, изјави Фон дер Лејен за новинарите.
Таа, исто така, ја истакна важноста да се задржи „притисок врз Кремљ“, велејќи дека ЕУ наскоро ќе воведе санкции за земјите, вклучувајќи ги Белорусија и Иран, кои воено ја поддржуваат руската војна во Украина.