Добрата вест за денеска е дека Бугарија и Република Северна Македонија, со поддршка на Франција, се блиску до договор кој ги зема предвид интересите и грижите на двете страни.

Ова, пред малку на Твитер го напиша претседателката на Европската Комисија Урсула фон дер Лајен во врска со новиот француски предлог за укинување на бугарското вето против почетокот на преговорите за членство на официјално Скопје во ЕУ.

Во објавата таа соопшти дека имала разговор со македонскиот премиер Димитар Ковачевски и дека Европската комисија е подготвена да го започне скрининг процесот за Македонија и Албанија, што е следниот чекор на нивниот европски пат.

Good phone call with PM @DKovachevski

Welcome news that 🇲🇰 and 🇧🇬, with support of France, are close to an agreement which takes into account interests & concerns.@EU_Commission is ready to start the screening process for 🇲🇰 and 🇦🇱, the next step on their European path.

— Ursula von der Leyen (@vonderleyen) July 1, 2022

Извор: МИА