Македонскиот женски одбојкарски клуб Фит Фан Волеј беше поразен и на последниот трет натпревар од дебито во БВА Балканскиот клупски куп.

Нашиот претставник со резултат 3:0 во сетови 25:16, 25:9 и 25:12 загуби од тимот на Херцег Нови од Црна Гора.

Капитенот на Фит Фан Волеј, Анастасија Јакимовска беше најефикасна со седум поени, а на спротивната страна по 13 запишаа Валенти Перез Гавириа и Гордана Маџгаљ.

Со три порази во исто толку натпревари македонски претставник на последното, четврто место на табелата го завршува премиерното учество во БВА купот.

Претходно македонската екипа загуби и од грчкиот клуб АЕК Атина (0:3) и косовската Дрита (0:3).

Младиот скопски состав во дебито на меѓународната сцена одигра три натпревари со силни ривали кои беа одлични за стекнување на искуство, но и како добра подготовка за почетокот на националното првенство викендов.

Титулата во ова натпреварување го освои составот на АЕК Атина кој со 3:0 триумфираше над Дрита, и воедно обезбеди учество во ЦЕВ Челинџ купот.