ФИФА ранг листа: Македонија остана на 65 место, Аргентина по шест години се враќа на врвот
Македонската А репрезентација започна за победа на стартот од квалификациите за ЕП 2024 во Скопје против Малта, а три дена подоцна триумфираше и над Фарски Острови во пријателски натпревар.
Не напредуваме, ниту назадуваме според најновата објавена ФИФА ранг листа, останавме на 65 место со 1363 поени, веднаш зад Исланд, а пред Јужна Африка.
Следните мечеви од квалификациите за ЕП избраниците на селекторот Благоја Милевски ќе ги имаат во јуни. На 16 јуни во Скопје ќе ја пречекаат Украина, а на 19 јуни ќе играат во Манчестер против Англија.
Аргентина за првпат после шест години повторно е најдобра светска фудбалска сила (1840 поени). Новите светски шампиони го прескокнаа Бразил (1834) кој падна на третото место, а сега второпласирана е Франција (1838).
На четвртото место е Белгија, пред Англија на петтата позиција, а во Топ 10 редоследно се и Холандија, Хрватска, Италија, Португалија и Шпанија. Целосната ФИФА ранг листа можете да ја погледнете ТУКА