ФИФА подготвена за избори: Инфантино единствениот кандидат за претседател
Досегашниот претседател на Меѓународната фудбалска федерација (ФИФА), Џани Инфантино ќе биде единствениот кандидат на изборите за прв човек на ФИФА, соопштено е денеска.
Во соопштението за медиумите се наведува дека Советот на ФИФА распишал претседателски избори на 30 март годинава, а Инфантино бил единствениот кој поднел кандидатура.
Гласањето за прв човек на ФИФА ќе се одржи на 16 март следната година, на 73. Конгрес на оваа организација во Кигали.
Инфантино е претседател на ФИФА од февруари 2016 година, кога го замени Сеп Блатер, кој беше претседател на Светската фудбалска федерација од 1998 до 2015 година.
Сите погледи во следниот период ќе бидат насочени кон Светското првенство во Катар каде што титулата ја брани репрезентацијата на Франција.
#BREAKING FIFA President Infantino to stand unopposed for third term: FIFA pic.twitter.com/cLfrCcWaLG
— AFP News Agency (@AFP) November 17, 2022