ФИФА донесе одлука околу странските фудбалери во Русија и Украина
Договорите на странските фудбалери и тренери вработени во руското и украинското првенство ќе бидат „суспендирани“ до крајот на сезоната, а напролет ќе можат слободно да се ангажираат во други клубови и земји, соопшти ФИФА.
На руската страна, која е забранета за учество во спортскиот свет по инвазијата на Украина и лишена од меѓународни натпревари, целта е да се „олесни заминувањето“ на сите кои не нашле договор со своите клубови.
Затоа, тие ќе имаат „право еднострано да го суспендираат договорот за вработување“ до 30 јуни 2022 година и ќе можат да настапуваат за клубови од друго првенство, дури и надвор од преодниот рок. Странските играчи и тренери во Украина ќе имаат корист од истата одредба, за да им се овозможи да „работат и да земаат плата“ за време на конфликти.
Конечно, малолетните играчи кои бегаат од Украина, ФИФА ќе ги третира како малолетни бегалци, со што ќе влезат на меѓународниот трансфер пазар кој инаку е затворен за под 18 години.
ФИФА, која веќе ѝ забрани на Русија да учествува на Светското првенство во 2022 година, но ризикува биде поднесена жалба до Судот за спортска арбитража против одлуката, ја повтори својата „осуда на руската употреба на сила во Украина“ и повика на „брз прекин на непријателствата“.