Федерер се враќа на терените на денот кога Ѓоковиќ ќе му го собори рекордот
Организаторот на турнирот во Доха денеска си соопшти имињата на учесниците за оваа година.
Тоа што од претходно беше најавено денеска доби и официјална потврда, Рожер Федерер се враќа на тениските терени и тоа на турнирот во Доха.
Швајцарецот не играше уште од минатогодинешното издание на Австралија Опен каде загуби во полуфиналето од победникот Новак Ѓоковиќ. Федерер по настапот на грен слем турнирот во Мелбурн имаше операција на коленото, а подоцна во текот на минатата година му беше извршена уште една операција на истото колено поради што мораше да го одложи кам-бекот на терените.
Doha’s list. An ATP 250 ? pic.twitter.com/WqAmktzZxm
— José Morgado (@josemorgado) February 9, 2021
Тој одлучи да се врати на турнирот во Доха каде најголем конкурент ќе му биде Доминик Тим кој е поставен за прв носител, а од топ 10. тенисери на АТП ранг листата, ќе игра и Андреј Рубљов кој е бранител на титулата.
Интересно е што турнирот во Доха стартува на 8. март, денот кога Новак Ѓоковиќ и официјално може да го собори рекордот на Федерер по бројот на недели поминати на првото место на АТП ранг листата.