Федерер и Надал против Унијата на тенисери на Ѓоковиќ
Најдобриот тенисер на светот заедно со Канаѓанецот Вашек Поспишил одлучија да се одвојат од АТП и да формираат нова унија на теисери.
Иницијативата ја покренаа Новак Ѓоковиќ и Поспишил кои си поднесоа оставки од Советот на тенисери во АТП и формираа нова унија, Асоцијација на професионални тенисери. Новата унија засега ќе ги застапува интересите на најдобрите 500 тенисери во поединечна и најдобрите 200 во дубл конкуренција.
Според иницијаторите целта не е да се замени АТП туку да се созададе структура која ќе им пружа поддршка на играчите и ќе се занимава со правилата на АТП, поделбата на заработката, дисциплинските мерки, здравственото осигурување и пензискиот фонд.
– Не чека многу работа, ова е првиот чекор. Нашиот глас конечно ќе може да се слушне и ќе можеме да влијаеме на одлуките кои се одненсуваат на нас тенисерите – изјави Поспишил.
Очекувано, ваквиот потег наиде на негодување кај првиот човек на АТП, Андреа Гауденци, но изненадувачки и кај Рафаел Надал и Рожер Федерер.
The world is living a difficult and complicated situation. I personally believe these are times to be calm and work all of us together in the same direction. It is time for unity, not for separation.
— Rafa Nadal (@RafaelNadal) August 29, 2020
„Светот моментно поминува во тешка и компликувана ситуација. Лично верувам дека во овие времиња во кои треба да бидеме мирни и сите да работиме заедно, време е за единство, а не за раздор. Ова се моменти кога само единствени можеме да постигнеме големи работи. Сите ние, играчите, турнирите и тие што го водат тенисот мораме да работиме заедно“, објави меѓу другото Надал.
Противник на новата унија предводена од Новак Ѓоковиќ е и тенисерот со највеќе грен слем титули, Рожер Федерер.
„Се согласувам со Рафа. Ова се несигурни времиња и најважно е да останеме обединети и како играчи и како спортисти и да одиме напред“, порача Федерер.
I agree @RafaelNadal. These are uncertain and challenging times, but I believe it’s critical for us to stand united as players, and as a sport, to pave the best way forward. https://t.co/foAmiLVrdV
— Roger Federer (@rogerfederer) August 29, 2020