ЕУ ја предупредува Русија: Борел пристигна во Украина, следна станица е Донбас
Високиот претставник на Европската унија за надворешна политика и безбедност, Џозеф Борел, денеска пристигна во Украина за да ја изрази својата поддршка за суверенитетот и територијалниот интегритет на таа земја.
Мојата прва посета во 2022 година е Украина. „Со зголемувањето на руските воени трупи, тука сум да ја изразам поддршката на Унијата за суверенитетот и територијалниот интегритет на Украина, како и поддршката за одржливите реформски напори кои се клучни за издржливоста“, напиша Борел на својот профил на Твитер.
Борел и шефот на украинската дипломатија Дмитриј Кулеба планираат да ја посетат линијата на раздвојување во регионот на Луганск за да ја видат ситуацијата во зоната на конфликтот.
Според руската агенција, Борел и Кулеба ќе разговараат за спречување на наводна руска агресија, особено за воведување остри економски санкции, како и за промовирање мирно решение на конфликтот во Донбас врз основа на принципите на независност, суверенитет и територијален интегритет на Украина.