Италија е еден од фаворитите за највисок пласман, ќе се бори за медал, па беше очекуван и четвртиот пораз на македонската женска одбојкарска репрезентација во четвротото коло на Европското првенство (У19) кое се одржува во Скопје.

Селекторот Стефан Пауновиќ почна со Мила Ѓоргиевска на позиција техничар, а на примачка дијагонала истрча Ана Јаничиќ, додека Италија промени три одбојкарки од почената линија, но тоа не се одрази на резултатот.

Противничките во СЦ „Борис Трајковски“ беа подобри со 3:0 во сетови 25:13, 25:7, 25:14 и го потврдија првото место во групата „1“, како и пласманот во полуфиналето на континенталниот собир.

Силата на Италијанките не ни дозволи да организираме чисти напади, па имавме малку поени од овој елемент. Добрина Хаџи Тосева освои четири, а по три заработија Ана Јаничиќ, Мери Бошковска и Ива Стојкоска.

Во последното петто коло на шампионатот нашата селекција ќе игра против Полска, која како и Италија ќе биде полуфиналист од нашата група. Од другата група, на првите две позиции се Србија и Холандија, кои денеска во директен дул ќе решаваат за првото место, а со тоа и за формирање на полуфиналните двојки.