ЕП дивизија „Б“: Јуниорите имаа и „плус 17“, на крајот загубија од Австрија
Македонската јуниорска кошаркарска репрезентација загуби и во својот втор натпрева на Европското првенство дивизија „Б“ кое се одржува во Матошинос, Португалија.
Нашите јуниори во текот на втората четвртина имаа и предност од „плус 17“ разлика (36:19), но и тоа не беше доволно на крајот да се оствари првиот триумф.
Австрија успеа да направи пресврт и да дојде до победата славејќи со 77:74. Австрија стигна и до третата победа во групата „А“, а на нашите јуниори им остана само теоријата за пласман во четвртфиналето, иако и таа не е голема.
Најефикасен против Австријците беше Андреј Шошкиќ со 27 поени, додаде и 10 скока и девет асистенции.
Понеделник е слободен ден за македонските кошаркари, а во вторник нов противник ќе има биде Исланд.
ЕП – „ПОД 18“-MAЖИ-ДИВИЗИЈА „Б“- МАТОШИНОС 2023:
ГРУПА „А“
РЕЗУЛТАТИ 3. КОЛО
Норвешка – Исланд 74:79
МАКЕДОНИЈА – Австрија 74:77
Велика Британија – слободна
ТАБЕЛА
1.Австрија 3 3 0 256:210 6 бодови
2.Велика Британија 2 2 0 161:136 4
3.Исланд 3 1 2 219:233 4
4.Норвешка 2 0 2 138:176 2
5.МАКЕДОНИЈА 2 0 2 142:161 2
ИДНО КОЛО (25 ЈУЛИ)
16.30 часот: Велика Британија – Австрија
19.00 часот: МАКЕДОНИЈА – Исланд
Норвешка – слободна