Емилија Спасовска Мојсовска е магистер по нутриционизам, која се грижи за здравјето и изгледот на голем број луѓе во земјава и во светот, и преку советите за здравата исхрана што им ги дава на своите клиенти, како и со програмите на исхрана им помогнала на голем број лица да ја подобрат сопствената здравствена состојба и изгледот. Емилија воедно е и успешен менаџер и сопственик на „Нутри Ем“ компанија за услуги и советување во областа на нутриционизмот, здрав начин на исхрана и здрави навики, чија мисија е преку индивидуален пристап и изработка на персонални програми на исхрана да воспостави здрав животен стил и здрави навики, а со тоа да ја постигнат и посакуваната цел во однос на превенција, подобрување на здравствената состојба и третман кај хронично незаразни болести како и достигнување и одржување на идеална телесна тежина кај лица од сите возрасти. Истовремено и да се подигне колективната свест за придобивките од здравиот начин на исхрана и примена на здрави навики и здрава исхрана во секојдневното живеење.

Придобивките од правилната исхрана можат да бидат повеќекратни: зајакнување на имунитетот, заштита на организмот од болести, соодветна телесна маса, намален ризик од кардиоваскуларни заболувања, подобар сон и полесно будење наутро, психолошка стабилност, физичка подготвеност, подобра подвижност, намалени отоци и болки во зглобовите, плодност, подолг живот и низа други придобивки.
Емилија истакнува дека утринскиот појадок треба да биде да биде најважниот оброк во денот. Во утринските часови телото има најголема потреба од енергија и надополнување на резервите со тоа што важно е да внесеме нутритивно квалитетна храна која на правилен начин ќе го одржи организмот витален и здрав.

Содржината на витамини, минерали, протеини, јаглехидрати, антиоксиданти треба да бидат составен дел не само за утринскиот појадок туку и во текот на целиот ден.

Многу често луѓето се прашуваат што е корисно за појадок, да биде лесно и брзо за подготовка, а сепак да биде здрав оброк и да не ја наруши витата линија.

Постојат многу комбинации што може да бидат предлог за појадок, а Емилија споделува неколку здрави и вкусни комбинации кои ќе ви дадат енергија, а сепак, нема да ја загрозат вашата телесна тежина.

1. Протеинско смути

Состојки:

– 1 банана
– 3 до 5 јајца од потполошка
– 1 лажица какао
– 1 лажица рогач
– 1 лажица мед
– авокадо
– 80 грама црвени, шумски плодови (вишни, цреши, рибизли)

Подготовка:

Сите состојки се блендираат и добивате совршено здраво смути во чиј вкус ќе уживате, а вашиот организам ќе го снабди со екстра енергија.

2. Овесна каша со ленено семе, урми и бадеми
Состојки:

– 4 супени лажици овес во зрно
– 150 милилитри млеко
– 1 лажица ленено семе
– 4 – 5 суви урми
– 2 супени лажица бадеми, малку маџун или мед

Подготовка:

Во млекото додајте овес и ленено семе, оставете 10 минути да отстои, потоа додајте ги урмите и бадемите и може да ја консумирате кашата.

3. Кисело млеко со семиња
Состојки:

– 200 милилитри кисело млеко
– по 2 супени лажици семки од тиква и сончоглед
– 1 супена лажица мелено ленено семе

Подготовка:

Сите состојки додајте ги во киселото млеко, измешајте, оставете малку да отстои и уживајте во вкусниот оброк.

4. Пудинг од чија семе

Состојки:

– 200 милилитри оризово млеко, бадемово или млеко од индиски ореви
– 3 супени лажици чија семе
– 1 мала лажица мед

Подготовка:

Состојките додајте ги во млекото, измешајте, оставете малку да отстои и уживајте во вкусниот оброк.