Елиф Елмас (24), играчот од средниот ред на Лајпциг и на македонската А репрезентација, го најави вечерашниот прв осминафинален натпревар во фудбалската Лига на шампионите против Реал Мадрид потклекнувајќи се пред легендата на ривалот која е 14 години постара.

Нашиот фудбалски „дијамант“ во интервјуто за шпанската „Марка“ откри кој е неговиот омилен играч од редовите на „кралскиот“ клуб.

– Слушајте, јас сум од Балканот и може да има само еден избор, а тоа е од срце – Лука Модриќ. Сè што постигна со Реал и Хрватска е неверојатно. Ја освои Златната топка. Не го велам тоа дека Реал нема многу големи играчи, но мојот фаворит е Лука. Знаете, тој е многу посебен за сите нас Балканците. За мене тој е број 1 за целото подрачје каде што беше Југославија. Секако дека имам негов дрес – вели Елмас.

Елмас дојде во Лајпциг од Наполи во зимскиот преоден рок и како што информираа германските медиуми со надомест од 23 милиони евра.

Денеска од 21.00 часот ќе се игра првиот натпревар од осминафиналето во ЛШ во Германија помеѓу Лајпциг и Реал Мадрид.