Бугарија од утре повторно ќе ја ограничи работата на баровите и дискотеките поради последното ширење на коронавирусот и тие ќе можат да примаат гости само на отворено. Покрај тоа ќе бидат забранети сите собири со повеќе од 30 луѓе, при што владата нагласи дека тоа се однесува и на свадби, крштевки и други семејни забави.

Министерот за здравство Кирил Ананиев рече дека сите спортски натпревари ќе се играат без присуство на публика, а терасите на угостителските објекти ќе можат да работат со половичен капацитет.

„Се надеваме дека новите мерки ќе го свртат трендот од изминатите денови кога имавме постојано зголемување на бројот на заразени со коронавирус. Тоа покажува дека сме ја потцениле ситуацијата. Добрата вест е што имаме голем број излекувани“, изјави Ананиев.