Дерби во Маџари: Вардар сака бодови за опстанок, Шкендија за титула
Вардар и Шкендија одбележаа скоро деценија ривалство и меѓусебни дерби дуели за титулата во Првата македонска лига, но нивниот денешен натпревар од 14:00 часот доаѓа во многу поинаква ситуација.
Шкендија на Вардар во Маџари му гостува од лидерската позиција и двете страни имаат различни мотиви пред оваа сочување.
Вардар лошо ја започна сезоната со сите проблеми со кои се соочува надвор од теренот, но дефинитивно натпреварот против Шкендија е посебна мотивација.
На табелата Шкендија е лидер со 20 бода, 15 повеќе од Вардар, а откако Шкупи не победи против Тиквеш во Кавадарци Шкендија има прилика да побегне на четири бода. Шкендија на последните две гостувања беше поразена од Силекс и ремизираше против Гостивар, па тоа дава надеж во тимот на Александар Васоски.
Последен пат Вардар ја победи пред шест години со 4:2, а оттогаш одиграа 15 меѓусебни натпревари во ПМФЛ и Купот на Македонија.
Денес во истиот термин се игра и натпреварот помеѓу Струга Трим Лум и Силекс.