Лидерката на Хонгконг, Кери Лам изјави дека мерките кои ги предложи Владата оваа недела, меѓу кои е и повлекување на контроверзниот закон за екстрадиција, се прв чекор за решавање на политичките превирања во градот, но тие нема веднаш да ја решат кризата.

Лам оваа недела го повлече законот за екстрадиција, како една од четирите мерки за смирување на демонстрантите, што тие го оценија како „задоцнет чекор”.

Во меѓувреме, Хонгконг се подготвува за нови протести низ градот, на локациите како што се станиците на подземната железница во близина на владините згради.

Исто така, демонстрантите се закануваат дека со протестите претстојниов викенд ќе ги прекинат сообраќајните врски до аеродромот.