Администрацијата на Бајден и Харис плаќа за да прикаже претстава која го прикажува Бог како бисексуалец, остро го критикува поранешниот американски претседател Роналд Реган и ги прикажува комунистите во позитивно светло, сето тоа во обид да ги поттикне правата на хомосексуалците во Југоисточна Европа, покажуваат федералните записи за грантови, објави порталот Дејли Колер во написот со наслов: „Стејт департментот плаќа за игра каде Бог е бисексуалец, а комунистите се добри во обидот да ги туркаат правата на ЛГБТ во странство“, а под него е поместена фотографијата од Ентони Блинкен, државниот секретар на САД.

Според написот, претходно во септември, Стејт департментот дал зелено светло за финансирање на прикажување на претставата на Тони Кушнер од 1991 година „Ангели во Америка: Геј фантазија на национални теми“ во Северна Македонија, при што агенцијата тврди дека продукцијата ќе ја подигне свеста за „ЛГБТК+ прашањата“ во земјата, открива евиденцијата за федерални грантови.

Порталот во продолжение го објаснува познатиот драмски текст на Тони Кушнер од 1991 година, за кој авторот има добиено бројни награди и признанија меѓу кои и Пулицерова награда за драма, наградата Тони за најдобра драма, а во 1993 година претставата била прикажана и на Бродвеј и повремено се прикажува во театрите во САД, Британија и во другите европски земји. Во 2003 година снимена е истоимената ТВ серија во која главните улоги ги толкуваат Мерил Стрип и Ал Пачино.

„Претставата следи повеќе приказни, меѓу кои и духот на осудениот комунистички шпион Етел Розенберг кој се антагонизира со конзервативниот адвокат Рој Кон кој е на умирање и еден геј маж кој има сексуално експлицитни визии за рајот додека се бори со СИДА“.

Претходнo Волтер, човекот со СИДА, според текстот на претставата, почнува да има пророчки визии во неговата болничка соба откако неговиот љубовник Луис Ајронсон го напушта.

Во една таква визија, тој открива дека ангелите имаат „осум вагини“ и дека се „опремени и со букет фалуси“ и дека универзумот е создаден од Бог „непрестајно парејќи се“ со овие хермафродитски суштества. Ејакулацијата од ангелите „го поттикнува моторот на Создавањето“, раскажува претставата.

Валтер му ги раскажува овие визии на еден човек по име Белизе, „поранешна драг кралица која се грижи за него како медицинска сестра“.

Стејт департментот ќе одвои 20.000 долари за поставување на претставата во Македонија, според евиденцијата на грантот. Дополнителни 10.500 долари во нефедерално финансирање се исто така доделени за продукцијата, пишува порталот.

„Во манихејскиот свет на ангелите во Америка, сè за што Реган се залагаше (капитализам, итн.) е зло“, напиша критичарот на National Review за адаптацијата на драмата на ХБО во 2003 година. Најгласниот републиканец во филмот е Рој Кон, бескрупулозниот геј адвокат кој до смрт ја негираше неговата сексуалност и дијагнозата СИДА. Во Кон, човек кој на крајот е уништен од неговите сопствени лаги и лицемерие, Кушнер го наоѓа своето олицетворение на администрацијата на Реган“.

„Ангели во Америка“ го прикажува Кон, вистински адвокат кој бил длабоко вклучен во конзервативното движење и му помогнал на Реган да биде избран, како фанатичен лицемер склон кон изливи на гнев.

Кон беше важен во гонењето на Џулиус и Етел Розенберг, кои беа осудени во 1951 година за шпионирање за Советскиот Сојуз и погубени во 1953 година. Активистите долго тврдеа дека Розенбергови се невини, меѓутоа, документите објавени од владата во 90-тите докажаа дека парот бил вклучен во советска шпионска операција.

Розенберг, прикажана позитивно во драмата, го антагонизира Кон во текот на приказната, велејќи му на смртната постела дека таа „ужива во [неговата] беда“. Таа подоцна го води Ајронсон, кој е секуларен Евреин, преку погребна молитва за Кон, кој исто така имал еврејско потекло, симболично простувајќи му.

„Ние немаме систем на универзална здравствена заштита, не ги образуваме нашите деца, не можеме да донесеме закони за здраво контролирање на оружјето, избираме претседатели како Реган“, напиша Кушнер во продолжението на неговата драма, обвинувајќи ги тие наводни проблеми на „индивидуализмот“. ” Еден геј лик, во еден момент од претставата, прашува „ако [Реган] немаше луѓе како мене да демонизираат каде би бил тој?

„Кушнер му ја одзема секоја заслуга на Реган и измислено го сведува на анти-геј крстоносец“, напиша критичарот на National Review за драмата.

„Продукцијата на анти-Реган, про-ЛГБТК претстава на Стејт департментот не е нејзина прва вежба во користењето на театарската уметност за потребите на социјалниот инженеринг бидејќи потроши 120.000 долари во 2023 година за ‘да се подобри комуникацијата на ниво на локалната заедница за социјалното прашање на ЛГБТК правата и семејното насилство преку партиципативен театар‘ во африканската нација Чад“, наведува порталот и додава:

„Новиот грант не е ниту првата театарска операција на Стејт департментот во Северна Македонија, бидејќи плаќа да ги научи жителите на земјата за еколошките прашања преку театар и танц во 2023 година, покажуваат записите на федералните грантови“.

„Културата – од музика до спорт и до театар – е витална компонента на напорите на Соединетите Американски Држави во Чад и ширум светот и ги поддржува пошироките надворешнополитички цели на САД“, изјави портпаролот на департментот за Дејли Колер во тоа време.

Фондацијата Дејли Колер за проектот со поставување на претставата во Македонија не добил коментар од  Стејт департментот.