Даскалоски е новиот голман на Бутел Скопје
Искусниот чувар на мрежата, кој настапуваше и за Вардар, Ловќен, Пролет, Анкара и Темишвар, потпиша договор на две години со клубо и се надева на успешни настапи во Суперлигата и во Купот на ЕХФ.
Даскалоски истакнува дека со раководството на Бутел Скопје веќе подолго време бил во контакт, но поради неговите ангажмани надвор од земјава, не можеле да направат посериозни разговори и да ги реализират плановите.
– Драго ми е што ќе бидам дел од овој сериозен проект, кој ветува многу во наредните години. Се голем број од новите соиграчи се познавам од претходно и сме настапувале во исти клубови. Со тренерот Котевски исто така соработував во Вардар Јуниор и одлично ги познавам неговите барања и очекувања. Се надевам на добра сезона како на домашна цена, така и во ЕХФ Купот – вели Даскалоски.
Претходно Давор Шошоски беше промовиран како нов играч на РК Бутел Скопје кој лани настапуваше за составот на Прилеп, а уште една година ќе остане Мирко Мајиќ, најдобриот стрелец во плеј-офот од Суперлигата.