13 C
Скопје

Дали со Каракачанов и неговата реторика ќе замине од сцената?

Мали се шансите за скоро формирање влада во Софија, а со тоа и за брз исчекор кон првата меѓувладина конференција и одблокирање на преговорите меѓу Македонија и ЕУ, иако тоа го очекуваат и Европската комисија, а особено македонската влада.  

– Меѓувладината конференција нема да се случи скоро. Какви било проекции во оваа фаза се неблагодарни. За тој чекор потребно е да се обезбеди поддршка од Бугарија за усвојување на преговарачката рамка. Секако, изненадувања се можни, но не без функционална влада и добра волја во Софија, како и компромис со нашата влада. Во моментот сите овие предуслови недостасуваат – вели Симонида Кацарска од Институтот за европска политика

Од Европската комисија не сакаат да влегуваат во детали околу политичката ситуација во Бугарија по изборите што се одржаа во неделата, но се надеваат дека Скопје и Софија ќе постигнат компромис. Портпаролката на Европската комисија задолжена за проширувањето Ана Писонеро за МИА изјави дека Брисел „ги охрабрува и Бугарија и Северна Македонија да изнајдат заеднички прифатливо решение за тековните билатерални прашања“.

Прочитајте и...  ВОЗНЕМИРУВАЧКО ВИДЕО I Таткото на напаѓачот во џамијата во Тирана: Син ми беше католик а го прими исламот, беше и во Македонија

– Со нетрпение очекуваме да се одржи првата Меѓувладина конференција што е можно поскоро – рече Писонеро.

Според аналитичарката Кацарска, не може да се очекува голем ангажман од Брисел во деблокирање на процесот.

– Европската комисија е ограничена во своите позиции од страна на државите членки на ЕУ и од неа не може да очекуваме особен ангажман во оваа фаза, особено имајќи предвид дека во Бугарија е сè уште нејасно како, дали и кога ќе се формира новата влада – вели Кацарска.

На парламентарните избори во Бугарија во неделата победи коалицијата на Граѓани за европски развој на Бугарија (ГЕРБ) и Сојузот на демократските сили (СДС), предводена од премиерот Бојко Борисов со освоени 25,8 отсто од гласовите, пред партијата „Има таков народ“ на Слави Трифунов со 17,5 проценти и блокот на Бугарската социјалистичка партија (БСП) до 14,8 отсто. Со таков распоред на силите, формирањето на владата е многу неизвесно.

Прочитајте и...  Колку луѓе во Србија се разболеле после која вакцина, колку завршиле во болница и колку заболеле од пневмонија: Првите прелиминарни резултати од истражувањето

Според министерот за надворешни работи Бујар Османи, на изборите во Бугарија станало јасно дека тамошните граѓани не ја поддржуваат националистичка реторика од типот на Красимир Каракачанов. Неговата партија ВМРО-БНД и неколку други националистички партии воопшто не го поминаа изборниот праг од 4 отсто.

– Добро е што не влеговме во реториката на Каракачанов. Најсилната порака од изборите е дека народот не е против европската перспектива, туку бара соработка меѓу двете земји. Се надевам дека тоа ќе се преточи во политички ставови на партиите што добија глас од бугарските граѓани – изјави Османи за ТВ 21.

Македонија е блокирана во Советот на ЕУ за усвојувањето на преговарачката рамка и одржување на првата Меѓувладина конференција со ЕУ поради неразрешениот спор со Бугарија. Редовниот состанок за Стабилизација и асоцијација, кој требаше да се одржи во февруари, беше одложен, најмногу затоа што немаше напредок во разговорите со Софија. Според нацрт-агендата, сега тој состанок е закажан за 12 мај, а со него би требало да претседава премиерот Зоран Заев од македонска страна, но за сега неговото одржување не е официјално потврдено. Македонските власти се надеваат дека е можно првата Меѓувладина конференција да се закаже пред крајот на португалското претседателство, односно пред први јули.

Прочитајте и...  ВИДЕО: Денеска во 12 протестираат угостителите- рестораните за свадби бараат грант од 3 милиони денари

Поврзани вести

ВИДЕО l Наместо да прекинат македонска свадба, австралиските полицајци се фатија на оро

Слободен печат

ВИДЕО I Повторно пукање во Америка: Тројца ранети во супермаркет, напаѓачот избегал со автобус

Илинка Иљоска

Ивановска: Уставните судии се должни да ги почитуваат членовите од законот кои се однесуваат на судирот на интереси

Слободен печат

Навални е многу слаб, адвокатите бараат тој да биде пренесен во цивилна болница

Слободен печат

Богоевски: Прашањето со легализација на марихуаната се сведува на политичка борба помеѓу премиерот Заев и ВМРО-ДПМНЕ

Слободен печат

Фрчат кривични пријави за дело со кое се овозможи плата за илјадници граѓани

Остави Коментар