Нант ја оствари втората победа во вториот натпревар во ЕХФ-Купот откако како гостин славеше со 35:28 над Горење.

Француската екипа победата ја обезбеди уште во првото полувреме кога дојде и до предност од седум голови (12:5).

Со идентична предност се замина на одмор, а во второто полувреме Нант рутински ја одржуваше големата разлика и на крајот сосема заслужено славеше со 28:35.

Кире Лазаров во победата на неговиот тим учествуваше со четири постигнати голови, а најпрецизен беше Ривера кој даде дури девет гола.

Нант е прв на табелата во група Ц со четири бода, колку што има и Магдебург, но со подобра гол-разлика. Адемар Леон и и Горење по двете коло немаат освоено ниту еден бод.