Чави се врати дома: Барселона е најдобриот клуб на светот
Чави Ернандез денеска и официјално пред 10.000 навивачи на „Камп Ноу“ е претставен како нов тренер на Барселона.
Ова значи враќање на легендарниот капитен од златната ера на Барселона на „Камп Ноу“, но овој пат како тренер и личност кој треба да го врати клубот на патеките на успехот.
–
Ова е остварување на сонот. Се враќам со максимална одговорност да бидам тренер на првиот тим, мораме да работиме и да воведеме ред. Целта е да ја вратиме Барселона на вистинскиот пат, да уживаме и да поведуваме. Барселона е мојот дом и навистина се радувам на предизвикот. Не сакам да бидам премногу емотивен, но ќе кажам една работа: Ние сме најдобриот клуб на светот. Ќе работиме напорно за да се вратиме на патеките на успехот. Не можеме да прифатиме да губиме или да играме нерешено, треба да одиме на победа на секој натпревар – им рече Чави на навивачите на „Камп Ноу“.
Xavi: “I don’t wanna cry, but I am really thankful to the club, the fans. It’s just amazing. I just can say one thing: We are the best club in the world and we are going to work to try and win many titles. Barcelona cannot lose or draw, we have to win every single game.”
— Barça Universal (@BarcaUniversal) November 8, 2021
Чави Ернандез е првиот тренер на Барселона кој е претставен на теренот пред навивачите.
Ова значи враќање на Чави во Барселона од каде си замина во 2015 година. Тогаш се пресели во А-Сад каде првите четири години ги помина како играч, а последните две е тренер.
– Мојата ДНК е иста како таа на Барселона: сакам секогаш да ја имаме топката, да играме пресинг, да имаме среќна и интензивна Барселона. Мораме да поправиме многу работи. Имаме млада екипа, талентирани играчи и се надевам дека во голем стил доаѓа нова, фантастична генерација – додаде Чави.