Цела ја проголтал: Тело на жена пронајдено во стомакот на питон
Тело на жена (54) е пронајдено во стомакот на змија долга седум метри, на плантажа со каучук каде што работела.
Жената, идентификувана како Јахрах, отишла да работи на плантажа во провинцијата Џамби, на островот Суматра, Индонезија, во неделата наутро, а нејзиниот сопруг го пријавил нејзиното исчезнување откако таа вечер не се вратила дома, пишува „Гардијан“.
Трагајќи по жената во неделата вечерта, сопругот ги пронашол нејзините сандали, марамата, јакната и алатките кои ги користела на работа и повикал други да помогнат, соопштила полицијата за локалните медиуми. Следното утро во близина бил забележан питон.
„Кога тимот задолжен за обезбедување со мештаните ја обиколиле плантажата за гума, пронашле питон долг седум метри. Откако го фативме питонот, го пронајдовме телото на жртвата во стомакот на змијата“, рекол началникот на локалната полиција АКП С Харефа за локалниот веб-сајт Детик.
A female rubber plantation worker in #Jambi province #Indonesia was found dead after being swallowed by a 6-meters-long python snake.@AJEnglish @BBCNews @trtworld @Reuters @NikkeiAsia @ChannelNewsAsia @telesurenglish @France24_en https://t.co/L0Z1OhcSWY pic.twitter.com/yF13OUqw92
— Hasto Suprayogo (@HastoSuprayogo) October 25, 2022
Питоните, кои убиваат со стегање, обично јадат помали животни, голтајќи ја храната цела. Случаите на голтање луѓе се ретки.
Меѓутоа, во 2018 година, беше откриено дека една жена била проголтана од џиновски питон на островот Муна, кај Сулавеси. Таа исчезнала во својата градина, која се наоѓала во подножјето на карпест дел каде што се знаело дека змиите живеат во пештерите.
Една година претходно, еден фармер беше убиен и проголтан од џиновски питон во селото Салубиро, на островот Сулавеси.
Многу поголем број луѓе се погодени од каснување од змија. Секоја година се регистрираат околу 5,4 милиони случаи на каснување од змија, од кои меѓу 1,8 и 2,7 милиони доведуваат до труење, според Светската здравствена организација (СЗО). Најзагрозени се децата и земјоделските работници во посиромашните, рурални области.