Британско кралско семејство: Како изгледа дневното мени на војвотката Камила?
Познат е фактот дека членовите на кралските семејства ширум светот имаат посебни шефови на кујна, послуга и што ли не. Ретко кој од нив знае да приготви нешто сам.
Војвотката Камила од Корнвол со години ја „држи“ истата линија, несомнено води многу здрав начин на живот и особено внимава на исхраната. Дали сјајниот тен и фигурата на 72-годишната војвотка се должат на исклучителната храна?
Прицот Чарлс и војвотката најмногу се хранат со производи произведени на нивниот имот во Глостер. Принцот Чарлс „одгледува“ кокошки, па не е изненадување што свежите јајца речиси секогаш се наоѓаат на менито за појадок на кралскиот пар.
Според синот на војвотката, таа е голем љубител на кајгана, што воедно е и нејзината основна храна за појадок.
Од што се состои ручекот на кралската маса? Органската храна е исклучително важна и за Чарлс и за Камила, што очигледно е дел широкиот спектар на производи што се одгледуваат на нивниот имот.
За време на официјална посета во Сингапур, Камила зборуваше за тоа колку е важно да се јаде здраво и откри дека се обидува да јаде што е можно повеќе здрави масти како авокадо, риба и бадеми. Што се однесува до ручекот, често на дневното мени се вклучува свежа органска салата и риба.
За време на посетата поврзана со Кралското друштво за остеопороза во Лондон, Камила истакна дека новите трендови на „здрава исхрана“ се „најлошото нешто што требаше да му се случи на светот“.
„Затоа се смешни овие диети, зошто да ги исфрлате млечни производи и сите работи што се добри за вашите коски?“, изјави Камила.
Личните готвачи и извори блиски до кралското семејство велат дека кралскиот пар е многу штедлив, дека тие се големи обожаватели на добрата, традиционална, британска храна.
„Тие секогаш беа многу штедливи. Ако правиме јагне и ако останеше нешто, веројатно ќе сакаа од тоа да се направи супа следната вечер“, изјави поранешниот готвач на кралското семејство. Тој исто така истакна дека зачинета храна и чили никогаш не се служеле на нивната трпеза.