Борел ги повика на вечера лидерите од Западен Балкан, чека објаснување за политичките прилики во регионот
Високиот претставник на ЕУ Џозеп Борел очекува утре на вечера со лидерите од Западен Балкан во Брисел, да му ги презентираат своите ставови за политичката состојба и развојот во регионот изјави портпаролот на Европската комисија (ЕК) Питер Стано.
Тој така на брифинг со новинарите во ЕК го одговори на прашањето на агенцијата Бета, што точно очекува Борел да слушне од лидерите во регионот и која е неговата порака до нив, имајќи предвид дека високиот претставник на ЕУ им порача на министрите за надворешни работи на ЕУ минатата недела дека ситуацијата на Западен Балкан е „сериозен геополитички проблем“.
Самото одржување на состанокот е важно затоа што Борел оцени дека немало такви состаноци меѓу високи претставници на ЕУ и Западен Балкан, рече Стано.
Според него, ова е „логично продолжение на дискусијата што министрите за надворешни работи на ЕУ ја одржаа минатата недела за регионот, кога дискутираа од поширок стратешки и политички агол за Западен Балкан, а не само за проширувањето“.
Проширувањето е за ЕУ, но министрите за надворешни работи на Унијата, според Стано, сакале да ја разгледаат ситуацијата од поширок агол.
„Причината и целта на утрешната средба е навистина да се слушне од лидерите од Западен Балкан како тие ја гледаат политичката ситуација таму и состојбата“, рече портпаролот на медиумите на Борел.
Тој сака „да го обнови поредовното ангажирање околу значително пошироките прашања отколку самото проширување, за кое ние имаме многу почесто контакти на многу нивоа на ЕУ и партнери од Западен Балкан“.
„Тоа е целта на таа вечера и очекувањето е таквата размена на мислења да продолжи и да даде појасен импулс на сегашниот ангажман на ЕУ во однос на Западен Балкан“, заклучи Стано.
Извор: Бета