Бонус уште еден месец: Италија ја продолжи исплатата на помош за работниците на принуден одмор
Најновиот декрет за помош на работниците ќе ја чини италијанската влада 25 милијарди евра.
Италијанската влада предводена од премиерот Џузепе Конте одобри на работниците кои се на принуден одмор поради економската криза предизвикана од пандемијата од корона вирусот, уште еден месец да им се исплаќа месечен бонус.
Мерката е наречена „интеграциска каса“ и за прв пат беше одобрена во март, а најновата одлука е одговор на барањата на италијанските синдикати мерката да продолжи уште четири седмици.
– Граѓаните ќе увидат дека оваа влада направи избор: за разлика од другите влади, ние не ги оставаме работниците на улица, не дозволуваме отпуштање, истакна премиерот Конте, анализирајќи ја при тоа претходната влада на Матео Ренци кој со таканаречениот „Job act“ овозможи масовно отпуштање работници.
Најновиот декрет за помош на работниците ќе ја чини италијанската влада 25 милијарди евра.