Македонскиот голгетер Бојан Миовски игра во фантастична форма во Абердин, а според последните информации интерес за нашиот репрезентативец покажал славниот Манчестер Јунајтед.

„Дејли Рекорд“ пренесува дека во Манчестер Јунајтед размсилуваат за ангажман на Миовски како замена за Ентони Марсијал кој се очекува да биде продаден во јануари.

Зад себе Миовски сезонава има одлични настапи за Абердин, тим каде што е најдобар стрелец со осум постигнати гола. Во текот на претходниот период како најсериозен кандидат за доведување на Миовски изгледаше Селтик.

Абердин сака да го задржи Миовски барем до крајот на сезоната, но секако дека адекватна понуда за услугите на македонскиот напаѓач може да го убеди раководството да го продаде и во јануари.

Најавите се дека Абердин е спремен да се откаже од Миовски за сума од околу 4.5 милиони евра.

Абердин не брза да го продаде македонскиот репрезентативец Бојан Миовски