Суд во Москва денеска му одреди мерка притвор до 28 февруари на Павел Зеленски, член на Фондацијата за борба против корупција на рускиот опозициски политичар Алексеј Навални, под обвинение дека на Интернет поттикнувал на екстремизам, се наведува во соопштението на судот.

Оператора ФБК Павла Зеленского избили, ударили по голове, изъяли на обыске ноутбук и телефон. За непонравившееся власти мнение по общественно-политическим вопросам. Сообщают адвокаты «Агоры». Сейчас он в ГСУ СК по Москве с адвокатом. pic.twitter.com/9ZyYo7DVTB

— Vyacheslav Gimadi (@vigimadi) January 15, 2021

На Зеленски му е одреден притвор само еден ден пред планираното враќање на Навални во Русија, откако тој наводно беше отруен во август, а потоа беше префрлен на лекување во Германија.

Според шефот на Агора, групата за човекови права со седиште во Москва, Зеленски, кој работи како снимател во фондацијата Навални, бил приведен вчера.

Повикувајќи се на адвокатот на Зеленски, од Агора наведуваат дека случајот се темели на негова објава на Твитер од минатиот октомври, во која има фотографија од руската новинарка Ирина Славина. Новинарката Славина почина откако се запали пред Министерството за внатрешни работи, еден ден откако полицијата изврши претрес на нејзиниот стан.

„Нема да се откажеме и ќе му помогнеме на семејството на Паша Зеленски на секој можен начин”, на Твитер порача директорот на Фондацијата за борба против корупција, Иван Жданов, по денешното судското рочиште.

Извор:МИА