Поранешниот италијански премиер Силвио Берлускони побегна од Италија, објавија италијанските медиуми.

83-годишниот италијански политичар го напушти својот дом во Милано уште во петокот.

Отсуството на Берлускони е забележано кога тој не се појави на прес – конференцијата на десничарската партија Форца Италија, каде на неговото место се појави поранешниот претседател на Европскиот Парламент Антонио Тајани.

Италијанските весници потврдија дека поранешниот претседател на италијанската влада е на 35 километри од Ница, поточно во дворецот во Валбон, сопственост на неговата ќерка Марина Берлускони.

Во дворецот кој датира од 19 век, Берлускони е заедно со својата нова девојка, 30-годишната Марта Фачина.