Бендот „Фулиш грин“ концертно ќе го претстави новиот албум
Целовечерен концерт на бендот „Фулиш грин“ (Foolish Green) и промоција на албумот „Soul Revival“ ќе се одржи во МКЦ (Денсинг сала) на 4 мај, со почеток во 21 часот.
Групата „Фулиш грин“ повеќе од десет години е дел од локалната и европската сцена, а минатата година го објави албумот „Soul Revival“. На концертот новиот албум ќе биде изведен во живо, но ќе бидат отсвирени и голем дел од песните од претходните изданија.
Притоа ќе биде одбележан десетгодишниот јубилеј од излегувањето на првиот албум „Escape“, а како гости на концертот ќе се појават „Фанки Фреш“, диџеј Гоце и диџеј Чваре, ЛД Пистолеро и Р.О.Н.И.Н од „Легијата“, како и Рутсман од бендот „Конкверинг лајон“.
(Текстот е објавен во „Културен печат“ број 176, во печатеното издание на весникот „Слободен печат“ на 29.04.-01.05.2023)