Белинда Бенчиќ го освои златниот медал на тенискиот турнир
Швајцарската тенисерка Белинда Бенчиќ го освои златниот медал на женскиот олимписки турнур во Токио. Швајцарката во финалето на победи чешката тенисерка Маркета Вондрушова со 7:5,2:6,6:3 за два часа и 28 минути игра.
Препорачано
Бенчиќ одлично го започна мечот и на стартот поведе со 2:0, но следеше одговор на 42. тенисерка на ВТА ранг листата која два пати по ред го одзеде сервисот на противничката. Бенчиќ успеа да најде сили да направи нов брејк и да израмни на 3:3, а потоа во завршницата од сетот уште еднаш да го одзеде сервисот на Вондрушова за 7:5.
Congrats to @BelindaBencic – the first ever Swiss woman to win a #gold medal in #tennis at the #Olympics#StrongerTogether | #Tokyo2020 | @ITFTennis | #SUI pic.twitter.com/lFCM4T1CYZ
— Olympics (@Olympics) July 31, 2021
Во вториот сет, Вондрушова беше многу подобра на „Ариаке“ тенискиот комплекс, направи два брејка и со убедливи 6:2 го освои сетот.
Одлучувачкиот сет беше исполнет со брејкови, од вкупно девет гема тенисерките дури пет пати го загубија својот сервис. Бенчиќ три пати го одзеде сервисот на противничката и на крајот триумфира со 6:3 што значеше конечен триумф и освојување на златен медал.
Во мечот за бронзениот медал, Елена Свитолина со 2:1 во сетови (1:6,7:6,6:4) ја победи Елена Рибакина од Казахстан.
