Најновиот сингл на групата „Суперхикс“ со наслов „Добар човек“ е уште еден од неколкуте кои го најавуваат најновиот студиски албум на, како што самите се нарекуваат, Банда инструментале.

Заедно со синглот, „Суперхикс“ упатуваат апел и предлог до Министерството за здравство и до сите останати релевантни установи да се субвенционираат сите антидепресиви и релаксирачко/ смирувачки медикаменти.

„Македонија е рекордер по сите параметри за користење на антидепресиви и седативи по глава на жител, па со ова значително би им се олеснило на корисниците, а за жал ги има илјадници. Очекуваме одговор – час поскоро!“ – иронично апелираат од „Суперхикс“.

Новиот сингл „Добар човек“ е снимен во студиото „Тра-ла-ла“ на Мите Димовски со музика, текст и аранжман на „Суперхикс“. Видео анимацијата е авторско дело на младите Меланија Димоска и Александар Несторовски.

(Текстот е објавен во „Културен печат“ број 158, во печатеното издание на весникот „Слободен печат“ на 10-11 декември 2022)