Бачелет пристигна во Кина, фокусирајќи се на наводите за кршење на човековите права во Синџијанг

Мишел Башелет/ Фото EPA-EFE/MARTIAL TREZZINI

Мишел Бачелет пристигна денеска во Кина и тоа е прва посета на висок претставник на ОН за човекови права на таа држава во изминатите 17 години. Фокусот е на кинескиот регион Синџијанг со мнозинско Ујгурско население.

Бачелет ќе го посети северозападниот кинески регион Синџијанг, каде што стотици илјади муслимански Ујгури и припадници на други малцинства се во кампови, предупредуваат групите за човекови права.

Посетата е придружена со критики за Бачелет, големи очекувања и апели од групите за човекови права.

Владата на САД соопшти дека е „длабоко загрижена” што Кина може да го ограничи пристапот до омбудсманот за човекови права, што е неопходно за Бачелет да може самостојно да ја процени ситуацијата.

– Молкот на високиот комесар пред несоборливите докази за злосторствата во Синџијанг и други прекршувања на човековите права низ Кина е длабоко загрижувачки, особено затоа што таа е и треба да биде водечкиот глас на ОН за човековите права, изјави портпаролот на Стејт департментот Нед Прајс.

Видео на денот