20 C
Скопје

Бабиќ: Никој не фаворит против Е. Пелистер во Битола

Ракометарите на Еурофарм Пелистер заедно со Вардар се единствените македонски екипи кои ќе играат во нокаут фазата во европските купови.
Битолчани утревеќер во салата „Боро Чурлески“ во првиот натпревар од осминафиналето од Лигата на Европа, ќе играат против германскиот Магдебург кој ја има фаворитската улога. Тренерот на Е. Пелистер, Жељко Бабиќ, смета дека иако Магдебург е фаворит, неговите ракометари ќе сторат се да го изненадат германскиот тим.

– Мислам дека остваривме многу добар резултат, сите сме горди на пласманот во осминафиналето. Среќни сме што ни доаѓа моќна германска екипа како Магдебург, екипа која е во врвот на првенството на Германија. Но, во спортот не се живее од минатото, па ние ќе направиме сè добро да се презентираме и да најдеме што е лоша страна на Магдебург. Тие играат многу брзо, брза транзиција и брз проток на топка. Имаат на сите надворешни позиции пониски ракометари, кои се моќни во играта „еден на еден“. Магдебург има крила кои скокаат од мали агли и имаат висок процент на реализација. Имаат и подвижна одбрана и можам да набројувам уште многу работи. Тие неслучајно се втори во Бундеслигата, но ќе повторам уште еднаш: Без оглед на сите нивни квалитети, ние ги знаеме нивните слабости. Секој противник има свои слабости и со ментална агилност ќе ги пореметиме и верувам дека тие ќе имаат големи проблеми во Битола. Оптимист сум и покрај тоа што игравме многу натпревари и имаме повредени ракометари. Никој не е фаворит во Битола против Еурофарм Пелистервели Бабиќ.

Поврзани вести

Новиот голман на Вардар 1961 со одлична партија во Бундеслигата

Слободен печат

ВИДЕО: Манчестер јунајтед е „крал“ на пресврти во Премиер лигата!

Слободен печат

Струга Трим Лум го испрати Вардар во Втората лига

Слободен печат

Хамилтон на две победи од јубилеј, светскиот шампион ја освои и „Каталуња“

Слободен печат

Ова долго се чекаше, конечно ќе се игра првиот фудбалски меч пред полн стадион

Слободен печат

ВИДЕО: Супер гол на Андонова против Еспањол и го прослави во стилот на Роналдо!

Слободен печат

Остави Коментар