„АС“ тврди: Димитриевски потпишал договор со Валенсија
Реномираниот шпански весник „АС“ тврди дека македонскиот репрезентативен голман, Столе Димитриевски веќе потпишал преддоговор со Валенсија и следната сезона треба да брани за овој тим.
Споменатот весник најавува дека трансферот официјално ќе биде потврден по истекот на договорот кој го има со Рајо Ваљекано до јуни 2024 година. Неодамна Димитриевски изјави дека води преговори со Рајо за нов договор, но и потенцираше дека останувањето не зависи само од него.
Валенсија од друга страна има намера да го продаде Грузиецот Мамардашвили за околу 30 милиони евра и на негово место да го доведе Димитриевски без оштета со што би се покрил „минусот“.
Останува да видиме и времето да покаже дали овие информации на „АС“ ќе се покажат како точни. Претходно кога се шпанските клубови во прашање, Димитриевски се поврзуваше со Севиља и Валенсија.