Антонио Конте може да биде наследникот на Пиоли во Милан
Италијанскиот тренер Антонио Конте наводно има понуда да се врати на тренерската работа, а без ангажман Италијанецот е откако го напушти Тотенхем кон крајот на сеозната.
Серија А би можела да биде повторно местото на кое би се вратил Конте. Италијанскиот стратег преговараше со Наполи пред Аурелио Де Лаурентис да се одлучи за Руди Гарсија, но не успеаа да пронајдат заеднички јазик.
Сега Конте се споменува како можно решение за клупата на Милан. Стефано Пиоли е под притисок и се најавува негова смена, а Конте се истакнува како прва желба на раководството. Покрај Конте во игра за клупата на Милан е и Игнасио Абате кој би бил доведен како привремено решение.
Ако најавите на италијанските медиуми се остварат и Конте навистина стане тренер на Милан ќе биде од ретките кој седел на клупата на трите италијански најголеми клубови. Претходно како што е познато беше тренер на Јувентус и Интер.
#Milan, #Pioli confermato ma… Spunta l’idea #Conte per giugno https://t.co/DpxutT0jUm pic.twitter.com/Avlt8ZTtip
— calciomercato.com (@cmdotcom) December 24, 2023