Американскиот државен секретар посака успех на бугарското претседавање со иницијативата „Три мориња”
Вицепремиерот и министер за надворешни работи на Бугарија, Екатерина Захариева, која е национален координатор на иницијативата „Три мориња”, повика на поголема регионална поврзаност во науката, технологијата, иновациите, како и меѓу деловните и технолошките паркови во 12-те земји учеснички, јави дописникот на МИА од Софија
„Најголемата додадена вредност на иницијативата е тоа што е отворена кон иднината и дава можност за развој на младите, како и ќе им помогне да ги убедат да останат и да живеат во нашиот регион”, рече Екатерина Захариева. Таа беше домаќин на видеоконференциски состанок на министри за надворешни работи и национални координатори од трите земји-членки на „Три мориња” – прв во овој формат за време на бугарското претседателство со иницијативата во 2021 година.
На видео конференцијата присуствуваа и партнерите на „Три мориња”, САД, Германија и ЕУ.
Во специјалното видео обраќање до учесниците на настанот, државниот секретар на САД, Ентони Блинкен, му посака успех на бугарското претседателство и ја потврди поддршката на САД за иницијативата. На состанокот присуствуваа и министрите за надворешни работи на Естонија – Ева-Марија Лимиц, на Унгарија Питер Сијарто, на Хрватска – Гордан Гарлиќ-Радман, кои исто така изразија целосна поддршка за „Трите мориња”.
„Бугарија нуди регионално поврзување во областа на науката, образованието, технологијата и иновациите. Примената на новите технологии во дигитализацијата, енергетската ефикасност, зелената економија создаваат нови можности за „паметно” поврзување помеѓу универзитетите и истражувачките центри”, рече Екатерина Захариева.
Меѓу бугарските предлози се создавање на дигитални платформи помеѓу инвестициските агенции на земјите во „Трите мориња”, деловни организации, мали и средни претпријатија, технолошки паркови, што би олеснило пристп на стратешки инвеститори во регионот.
Министерката Захариева ја истакна важноста на соработката со Европската комисија, САД и Германија. Таа предложи поголема флексибилност при изборот на проекти, вклучително и стратешки партнери надвор од Трите мориња.
„Пример за таква флексибилност ќе биде завршувањето на коридорот Север-Југ преку поврзување со грчките пристаништа на Егејско Море. Друга идеја би била да се поврзе коридорот Север-Југ со Коридорот 8 “, рече таа. Според неа, Трите мориња би можеле да бидат поотворени за соработка со приватниот бизнис, како и со стратешките партнери и земјите надвор од иницијативите за Западен Балкан и Источно партнерство.
Дискусијата се фокусираше на улогата на владите и државните институции во спроведувањето на приоритетните цели на Трите мориња, како и подготовката на Самитот во Софија подоцна во текот на годината. Захариева ја истакна потребата владите и државните институции на земјите учеснички да играат поактивна улога во спроведувањето на проектите на иницијативата, како и за поголема поддршка на инвестицискиот фонд, во кој Бугарија веќе се приклучи со 20 евра милиони
Захариева исто така ги потврди приоритетите на бугарското претседателство, вклучително и енергетската безбедност и диверзификација на изворите на енергија и нивните рути за снабдување, како и зголемување на транспортот и дигиталната поврзаност меѓу земјите.